¹ Mjeshtrit të korit. Psalm. I Davidit.

² I lumi ai që e kujton nevojtarin: në ditë të vështirë Zoti do ta shpëtojë.

³ Zoti do ta ruajë, do ta kërthndezë në jetë, të lum do ta bëjë mbi tokë dhe s’do ta lëshojë në duar të armiqve të vet.

⁴ Zoti do t’i çojë ndihmë mbi shtratin e dhembjeve të tija: do ta përtërish në sëmundjen e tij.

⁵ Unë thashë: “Ki mëshirë për mua, o Zot, ma shëro shpirtin, sepse mëkatova kundër teje.”

⁶ Armiqtë e mi flasin keq për mua: “Kur do të vdesë e do t’i harrohet emri”?

⁷ Po edhe nëse vjen kush të më shohë, flet kotësi, në zemër mbledh paudhësi, del përjashta e më vë në lojë.

⁸ Të gjithë armiqtë e mi pëshpëritin kundër meje së bashku e ma mendojnë të keqen:

⁹ “Lëngatë e madhe e ka kapur! Kë kap kjo sëmundje ai më nuk çohet”!

¹⁰ Po edhe miku im, në të cilin pata shpresë, që hëngri bukën time, u çua kundër meje.

¹¹ Por ti, o Zot, ki mëshirë për mua, më shëro dhe unë do t’ua kthej huanë!

¹² Me këtë do ta marr vesh se më do nëse nuk lejon të ngihet armiku im në mua,

¹³ e ma jep dorën për shkak të pafajësisë sime dhe më lejon të rri në praninë tënde për amshim.

¹⁴ Qoftë bekuar Zoti, Hyji i Izraelit, prej amshimit në amshim. Amen. Amen.