1
Këngë shtegtimi. E Davidit.
Po të mos kishte qenë Zoti me ne
le ta pohojë ballafaqe Izraeli –
2 po të mos kishte qenë Zoti me ne,
kur njerëzit u ngritën kundër nesh:
3 atëherë do të na kishin përpirë gjallë,
kur u mori flakë zemërimi kundër nesh.
4 Atëherë ujët do të na kishte marrë,
rrjedha e përroit do të na kishte marrë,
5 do të na kishin mbytur
valët e ujërave të tërbuara!
6 Qoftë bekuar Zoti
që s’na dha kafshatë
për dhëmbët e tyre!
7 Shpirti ynë shpëtoi si trumcaku
prej gracke të gjuetarëve:
laku u këput
e ne shpëtuam!
8 Ndihma jonë është në Emër të Zotit,
që krijoi qiellin e tokën.