1
Këngë shtegtimi.
Sytë e mi i çoj drejt maleve:
prej nga do të më vijë mua ndihma?
2 Ndihma ime vjen prej Zotit,
i cili krijoi qiellin e tokën.
3 S’do të lejojë të të merren këmbët,
nuk do të kotet ai që të ruan.
4 Ja, s’do të kotet as s’do të flejë,
ai që e ruan Izraelin.
5 Zoti është rojtari yt,
Zoti është hija jote,
Zoti është në të djathtën tënde!
6 Dielli nuk do të të bëjë keq ditën,
as hëna natën.
7 Zoti do të të ruajë nga çdo e keqe,
Zoti do ta ruajë jetën tënde.
Zoti do të ruajë vajtjet e ardhjet e tua
që tani e përgjithmonë e jetës.